Davao City – Nahadlok ang usa ka inahan nga patyon ang iyahang anak hinungdan nga gihatag niini ang dul-an 200,000 pesos nga kantidad sa iyang kwarta sa mga hold upper.
Base sa report gikan sa Malalag Police Station, nahitabo ang pagpanghold-up alas 9:30 sa gabii sa Purok Talisay 2, Brgy. Poblacion, Malalag, Davao del Sur diin giila ang biktima nga si Juliet Mondejar Japera, 33 anyos ug residente sa nasangpit nga lugar.
Sa imbestigasyon sa kapulisan, samtang natulog ang biktima sulod sa ilang balay misulod ang duha ka wala mailhing suspek ug mideklarang hold up.
Dugang niini, dili unta ihatag sa biktima ang kwarta apan gihadlok kini sa mag suspek nga patyon ang anak og dili ihatag ang kwarta nga 198,000 pesos hinungdan nga napugos ang biktima og hatag niini.
Human sa insidente, daling misibat ang mga suspek sa wala matinong direksyon samtang naglusad na karon ang kapulisan og hot pursuit operation sa maong panghitabo.
RadyoMaN Renz Barbarona
