Sa interview sa DXDC RMN Davao kang Angelou Sion Bustamante, igsuon sa pasyenteng nakalas nga si Analiza Bustamante, iyang gisaysay nga nagpakaluoy ang iyang manghud nga magpa-cesarean section na lang tungod di na makaya pa ang kasakit sa iyang tiyan apan, giingong gimalditahan kini sa nurse.
Walay nabuhat ang inahan ug gipugos na lang og utong aron magawas ang iyang baby nga na-infection na. Apan pipila ka mga oras, nagpunga na si Analiza ug nakabsan gyud sa kinabuhi.
“Giingnan niyang nurse nga magpa-CS nalang ko ma’am kay dili nako kaya. Pero nasuko man ang nurse, mitubag nga gisugo ko nimo? mao to, nakastorya pa gani niya ang iyang bana. Grabeng hilak sa iyang bana giingnan niya nga ikaw na lang bahala sa akong anak, atimana. Hangtod ato abi namog natulog lang siya pero wala na diay,” butyag ni Angelou.
Hinuon, ang baby anaa na sa maayong kahimtang samtang ang inahan, nalubong na niadtong April 17.
Samtang, nagpagula usab og pamahayag ang DOPMC ug nagkanayon nga adunay mga sitwasyon ang dili nila makontrol ug kini nga mga panghitabo, himuon nilang pagtulun-an aron palambuon pa ang ilang serbisyo.
RadyoMaN Ivy Parido
