Davao City – Mismong inahan na ang nagpadakop sa iyang anak nga biktima usab sa iligal nga droga nga si Muktar Manlaya Miang, 33 anyos nga taga Block 66 Barangay 21-C Piapi Boulevard ning syudad.
Nangayo ug pakitabang ang usa ka inahan nga si alyas Bebe sa ilang barangay kagawad nga buot niyang ipadakop ang iyang anak sa dihang iyang nasayran nga natukmod na sa dili maayo nga bisyo partikular sa paggamit og iligal nga droga.
Sa rekord sa Sta. Ana PNP, matod sa inahan sa dihang miuli sa ilang panimalay ang iyang anak kalit kini nga nagwild ug nakahatag na og disturbo sa ilang lugar.
Sa mao nga hitabo dali siya midangop sa ilang barangay official ug nagpatabang nga ipadakop ang iyang anak.
Gisulod sa apprehending opisyal ang balay sa complainant ug ddto nakita ang duha ka mga inablihan nga small sachet nga dunay residue sa gitoohang shabu, improvised nga aluminum foil strip, aluminum tooter ug improvised nga dagum.
Giendorso gilayon sa kapulisan sa Sta. Ana PNP ug gi kustodiya sa nahisgutang buhatan ang mga ebidensiya batok niini.
RadyoMaN Paul Canono
