Davao City – Giingong gituok sa usa ka anak ang iyang kaugalingong inahan resulta sa pagkamatay niini nga nahitabo niadtong July 29, 2023 bandang alas 6 sa gabii sa Purok 1, Brgy.Poblacion, Relocation, Sulop, Davao del Sur.
Sa report sa Sulop PNP, subay sa saysay sa witness nga si alyas Kat kinsa kabanay sa suspek ug biktima, nakita niini nga gituok sa suspek nga lalaki ang iyang inahan nga 72 anyos diin karon ginasuta pa ang rason sa panghitabo.
Human sa insidente, dali nga misibat ang suspek apan kini dali ra sab nadakpan sa kapulisan.
Balhug na sa prisuhan ang suspek ug mag atubang og kasong Parricide.
RadyoMaN Renz Barbarona
Facebook Comments
