Sa interview sa DXDC RMN Davao kang Gina Espinosa, taga Brgy. Kinuban, Maco nga inahan ni Edgar Geed Espinosa, 23 anyos, landslide victim, iyahang gibutyag nga lakip sila sa gikuhaan og samples alang sa deoxyribonucleic acid (DNA) testing sa kaulohan aron masuta kung ilahang miyembro sa pamilya ang mga cadaver nga na-retrieve apan dili na ma-identify.
Matud sa inahan siya ang katapusang midawat sa kamatuoran nga wala na ang iyahang anak, ug iyaha nalang ginalauman nga mapahilona og tarong ang lawas sa anak, oras nga anaa na ang resulta sa DNA testing nga gilaumang mugawas sa Marso 2024.
“Magminatay gihapon gyud ko’g hilak kay ma-imagine nako iyang moves, mag-smile sya. Kanang matulog ko nga mangumedya (siya). Nag-asa ko ug naglaum pa pud ko nga unta naa pud didto para mapahilona nalang pud namo,” saysay sa inahan.
Nasayrang bag-o lang migradwar sa kursong Criminology ang iyahang anak ug gitakda unta nga mo-take og board exam karong Agosto 2024, ug rason sa iyahang pagtrabaho sa Apex Mining mao ang makakwarta nga iyahang panggasto sa review padulong iyang pag-exam.
RadyoMaN Kirby Manzon
