Davao City- Ang tanang kaguol sa magtiayon nabayluan na og way puas nga pasalamat ug kalipay dihang na-rescue ug nabalik kanila ang ilahang 3 month old nga baby.
Nagpasalamat ang inahan sa bata ngadto sa Ginoo, sa kapulisan ug sa tanang mga tawong nitabang aron mauli og balik ang ilahang anak human kini gidagit sulod sa Southern Philippines Medical Center (SPMC).
Ang baby boy aduna kiniy medical condition ug sumala sa inahan ga-seizure kini hinungdan nga nibyahe pa sila pa-Davao gikan og Surigao City aron kini mapatan-aw sa mga doktor ug mapatambalan.
Pinaagi sa mga reports sa katawhan na-rescue sa mga kapulisan ang baby sulod sa balay sa suspek nga si Rhialyn Herrera sa Mintal Relocation, Tugbok ning dakbayan sa Davao.
Nadakpan ang suspek ug Gipriso na karon sa Bajada Police Detention Facility.
RadyoMaN Aimee Guinita
Facebook Comments
