Inahan nagpatabang sa DXDC kay kapuyo milayas ug gidala ilang anak nga dos anyos

Giubanan sa DXDC Public Service Team si alyas Vicky sa City Social Welfare Development office (CSSDO) aron i-reklamo ang iyang kapuyo nga midala sa iyang anak nga wala mananghid.

Gi-aksyonan ni Mae Autida, Head sa CSWDO Talomo B District Office pinaagi sa Barangay Talomo Lupong Tagamayapa aron ipatawag ang kapuyo ni alyas Vicky karong Agosto 10, 2023 sa ipahigayon nga case conference.

Pasumunan sa Barangay Lupong Tagapamayapa sa pagpanguna ni Edilito Surigao, Lupon Coordinator ang kapuyo nga nag-abang ug pinuy-anan sa Bangkal ning syudad sa Dabaw aron mupatim-aw sa Barangay Talomo alang sa dialogo bahin sa kustudiya ug suporta sa ilang anak nga dos anyos.

Gibutyag ni Alyas Vicky nga kalit milakaw ang iyang kapuyo nga wala siyay kalibutan ug gidala ang ilang anak ug dinhi mipadulong sa syudad sa Dabaw.

Nakuhaan ang kaguol ni alyas Vicky human sa tulo ka tuig niyang pinangita sa dihang nakakuha’g impormasyon nga ania sa Davao ang iyang kapuyo rason nga mibyahe siya dayon ug nagpatabang sa DXDC RMN Davao aron kuhaon ang iyang anak.

RadyoMaN Erin Lumosbog