Sa pakighinabi sa DXDC RMN Davao kang Maria Lourdes, inahan si Justine Mae, grabeng kaguol na ang iyang gibati ilabi na nga blangko gihapon sila sa nahitabo sa iyang anak.
Saysay sa inahan nga igo lamang nga nanrabaho ang iyang anak isip babysitter sa Toril, Davao City, diin kini milakaw niadtong Agosto 21.
Matud sa inahan nga iyaha usab nga namatikdan sa ilang katapusang video call sa iyang anak alas 7:00 sa gabii niadtong Agosto 28 nga nanghubag ang mata ni Justine Mae ug mura’g aduna kini problema.
“Akoa man gong anak once nga mao nay manawag, jolly siya sir ba. Pero kadto nga time, minghoy gyud sya sir. Mao tong nakaingon ko nga unsa may problema? Mura’g lahi man gyud to siya. Mura’g naa gyoy something. Ambot nganong dili pud sya muistorya. Ang iyaha lang gyong ingon ato, magpasundo gyud sya,” saysay sa inahan.
Dugang sa inahan nga ala 1:00 sa kaadlawon niadtong Agosto 29 sa dihang gipasakay og taxi si Justine Mae sa iyang amo human kini midumili nga ihatod tungod kay katuod siya sa terminal sa Ecoland, apan sukad niadto, na-missing na kini ug wala na nakauli sa Monkayo.
“Tabangi mi ani sir oy. Naproblema na gyud mi ani. Wala mikasabot sa among ginabati nga naunsa ba among anak? Naa pa ba mi gipaabot? Ka-simple sa among pamuyo diri, sa among kinabuhi,” matud sa inahan.
RadyoMaN Kirby Manzon
