Sa interview sa DXDC RMN Davao kang Ky Cantal, gibutyag niyang nangayo na matud pa og pasaylo ang maestra ug ni-contact na sa iyaha ang division office apan kini wala niya dawata sa kagustohang maduso ang kaso tungod malooy siya magsud-ong sa iyang anak nga karon dili na gusto muskwela ug naglisod pa og recover.
Dugang pa nga apil ang iyang anak sa Special Education (SPED) tungod dili kini makatarong og storya ug dili maka-focus apan maminaw man hinuon og tarungon og tudlo o storya.
Gilayong niduol na sila sa usa ka Public Attorney’s Office (PAO) aron mu-konsulta apan giingnan sila nga dili mamahimong maduso ang kaso kung wala’y igong rason, ebidensya ug testigo maong malangay pa ang proseso.
Sa pagkakaron, mag-atubang na sila sa principal’s office ug sa Barangay karong byernes aron nga mahisgutan kung paunsa mahan-ay ug masulbad ang maong problema.
RadyoMaN Ivy Parido
