Sa pakighinabi sa DXDC RMN Davao sa iyaan sa bata nga si Yhunna Degamo, iyang gibutyag nga abri silang dawaton ang kamatuoran nga wala na’y kinabuhi ang bata apan sila nanghinaut nga makita man lang kini sa pamilya.
Matud sa iyaan nga giingong nanguha lang og mangga ang bata ug naligo sa sapa kauban ang ilang silingan apan nakita nalang siya sa iyahang magulang nga nalunod na ug bisan unsaon og luwas, nalumos na kini ug wala na nakatunga pa.
Emosyonal usab nga gisaysay ni Degamo nga ginabantayan nila karon ang inahan sa bata tungod ikatulo na karon nga higayon nga nawad-an siya og anak hinungdan nga sige kini og hilak.
Sa interview sa DXDC RMN Davao sa Kapalong Municipal Disaster Risk Reduction and Management Office (MDRRMO), hugot ang ilang koordinasyon sa pamilya ug sa Local Government Unit (LGU) Kapalong aron sa pagpadayon sa search and retrieval operation.
“Nag-operation among team buntag sayo hangtod hapon. Gisuyod nila gikan sa gitagakan sa bata hangtod sa posibleng madaganan niya. Wala paman gyud makit-i ma’am,” segun sa responder.
RadyoMaN Ivy Parido
