Davao City – Kapasayloan lang ang ginapangayo sa inahan sa 31 anyos nga
ulitawo nga si Jolan Olea kinsa patay human na hit-and-run kaniadtong
Martes sa gabie sa dalang Quimpo Boulevard ning syudad.
Personal nga midangop sa sibyaanan sa DXDC RMN Davao si Lorita Olea, 54
anyos, balut vendor nga lumulupyo sa Bugac Ma-a, Davao City Public
Cemetery, aron manawagan nga personal nga mangayo’g pasaylo kaniya kung
kinsa man ang responsable sa maong buhat.
“Ug naminaw ka ron Maam/Sir, huna-hunaa intawon nga ang kinabuhi sa akong
anak ang imong gikalas,” butyag ni Lorita.
Matod sa inahan gipasa-Ginoo na lamang niya ang silot sa maong responsable
ug magpatabang sa tanang galastohan.
Sumala niini, buotan nga anak si Jolan kinsa nilakaw sa ilang panimalay
atong adlawa aron mangita’g trabaho apan nabalitaan na lang niya niadtong
adlawng Marso 21 sa buntag nga adunay nag buy-od nga patay’ng lawas sa
nasangpit nga lugar.
RadyoMaN Jason Amisola
