Davao City – Gi-cremate sa St. Peter’s Panacan ug dalhon sa ilang panimalay aron didto na hayaon ang 6 anyos nga biktima.
Gipadangat sa inahan ngadto sa lokal nga panggamhanan ang iyang pasalamat sa pag asister ug pagtabang sa ilang pamilya.
“Nagpasalamat gyod kaayo ko sa gobyerno nga nitabang gyod sila sa akoa nga assist mi nila sa pinansyal, nakatabang gyod kaayo ni’g dako. Pasalamat kaayo in behalf of my family,” matud sa inahan.
Sulod sa siyam ka diyas mamahimong muduaw ang mga pamilya ug higala sa nipanaw nga bata.
Sumala sa inahan wala pa usab petsa kung kanus-a gayod ihatod sa ulahing kapahulayan ang ilang anak.
Samtang gibutyag ni CSSDO-QRTCC Head Juenalyn Pablo nga abagahon usab sa gobyerno ang pagpalubong sa menor de edad ug uban pang gikinahanglan sa pamilya.
RadyoMaN Aimee Guinita
