Sa pakighinabi sa DXDC RMN Davao kang Norma Remoroza, inahan sa biktima gisulti niya, sa suspetsado nga motahan na ug atubangon ang silot sa iyang nabuhat.
Gi-awhag usab sa inahan, ang iyang mga silingan sa maong Barangay, kung kinsa ang makakita sa suspect dakpon kay andam siyang mohatag og P20,000 isip ganti.
“Kay basi naa pay daghan mabiktima niya, kay ultimo iyang apohan ana gitadtad niya og panabas apohan ra niya,unya hasta ang iyang amahan mubadlong basig ihawon taka diha,salbahis kaayo na nga tawo dapat unta na madakpan na kay para wala nay maangin nga silingan ba”, sulti ni Remoroza ang inahan.
Nahinabi usab sa DXDC News Team ang inahan sa suspect nga si Eladia Estabillo gibutyag niini nga adunay relasyon ang asawa ug biktima nga si alias ‘Bing’ nga mag-usa ka tuig na kapin ug na-abot na kini sa Barangay og nag-areglo na, apan nadiskobrehan sa suspect nga nagpadayon pa gihapon ang ilang relasyon, hinungdang nabuhat sa suspect ang krimen.
Murder ang gipasakang kaso sa kapulisan sa Los Amigos batok sa suspetsado.
RadyoMaN Don Pulayao
