(*photo credits to Shimei C. Pagsiat)
Lima ka mga panimalay ang gilamoy sa kalayo alas 9 kapin kun kulang ang takna kagabie sa may zone 1 Purok Mangga Tubod ning syudad sa Iligan.
Sa maong paghitabo duha ka mga biktima ang nadala sa tambalanan human nga mapaso sa nasunog nga balay.
Ang mga biktima nailang si Sara Usop, 52 anyos, minyo, tag-iya sa maong panimalay.
Sumala sa pamahayag sa biktima, didto nagsumikad ang sunog sa kisame nga bahin sa 2nd floor sa ilang balay.
Wala nila mabantaye ang sunog hinungdan sa ilang pagka paso.
Miambak na lang sila sa ikaduhang andana sa ilang pinuy-anan, lakip ang iyang special child nga anak nga si Mico Usop, 29 anyos nga nakabaton usab ug paso sa iyang nawong ug uban parte sa kalawasan.
Pabiling anaa sa E& R hospital ang mga biktima.
Giimbestigahan na sa kabomberohan ang nasangpit nga sunog kung pila ang kinatibuk-ang damyos. (RadyoMaN Paul Elorde)
