Davao City – Nagpahigayon og laing survey sa 17 ka purok sa Barangay Inayangan, Calinan District, syudad sa Davao sa ginsakpan sa City Veterinary Office (CVO) ug Department of Agriculture (DA-XI) human naapektuhan sa African Swine Fever (ASF) virus ang mga binuhing baboy.
Matud ni Inayangan, Barangay Kapitan Lilia Ruta, gisugdan ang survey niadtong milabayng adlaw ug wala pay resulta.
Sumala ni Kapitan Ruta, aduna pay kapin 1,000 ka mga nanag-iya’g baboy ang wala pa kadawat ug financial assistance sa iyang barangay human gipailawom sa state of calamity tungod sa ASF.
Gipasabot ni Kapitan Ruta, dunay 34 ka mga Purok sa iyang barangay ang naapektuhan sa maong balatian ug 17 pa lang ang unang gi-survey human nagpositibo.
RadyoMaN Don Pulayao
