Gi-activate mga alas 3 kagahapon sa hapon ang Incident Management Team sa City hall pinaagi sa mando ni Cagayan de Oro City Mayor Oscar Moreno.
Kini silbing pangandam sa lokal nga kagamhanan nga maka-responde dayon ang mga disaster personnel ning syudad sa panginahanglan sa katawhan sa oras nga mo-agi na dinhi sa Cagayan de Oro ang bagyong Samuel.
Gipahayag ni City Disaster Risk Reduction and Management Department Head Allan Porcadilla nga tungod sa mando ni Mayor Moreno, naka-standby karon ang tanang personnel sa CDRRMD sa City hall sulod sa 24 oras.
Matud ni Porcadilla nga lakip sa maka-standby ang ilang mga sakop sa emergency operation Center kay ang gusto ni Mayor Moreno nga Zero Casualty ang record sa City hall sa oras nga mo-agi ang bagyong Samuel ning syudad.
