Increjible pero ta sosede. Seis maga grade 6 pupils puru maga mojer del un escuela de publico alegaomente ya entra el mal-ispiritu mientras onse maga grade 5 pupils ta composita 10 hombre y un mojer el ya marca maga letra na diila braso pormedioi de sajar usando quebrao tapadera del ball pen. El incidente ya comensa del Biernes del otro semana y ya continua este hasta del Miercoles. Asegun na informacion ya obtene el RMN-Zamboanga, el seis maga bata mojer del grade 6 ta ocupa el nuevo edificio del escuela donde tiene un trabajador el ya muri cuando ta planta lang don el stractura. Ya principia del Biernes hasta del Miercoles siguiditos yan entra mal-ispiritu con el maga bata mojer donde asegun canila ta manda dao canila el ispiritu mata con el unu del diila classmate mojer. Mientras ta sosede el entrada delmal-ispiritu con el maga bata mojer, tiene tambien 10 bata hombre y un mojer conquien ya puede gole el maga maestra quien ya saja diila braso y ya marca maga letra usando maga quebrao tapadera de ballpen. Donde asegun, tiene lang canila quien ta manda hace aquel cosa. Fuera con este, manada otro asegun maga increjible soseso ta sosede na escuela como derepente ta tranca maga puerta y otro pa.
