Davao City – Nagduda pa gihapon ang pipila ka mga incumbent barangay officials nga dili gayud madayon ang syncronized election karong Mayo 2018.
Kini human miduso usab si House of Representative Karlo Nograles og resolusyon nga ipostpone ang barangay eleksyon sa Commision on Election.
Sumala ni Barangay Kagawad Ernesto Macasaet sa Barangay 3-A Poblacion Davao City nga nagkadaghan na ang mga tag as nga opisyal nga kaalyado ni President Rody Duterte nga buot nga iuktaba ang piniliay sa barangay.
Malaumon si Macasaet nga dili mahinayon ang barangay election tungod sa mga rason nga gipabuhagay sa mga opisyal sa ilang resolusyon didto sa kongreso.
Normal lamang nga mangandam ang Comelec sa pagpahibalo sa calendar of events sa pagpangandam sa eleksyon sa bulan sa Mayo.
Apan giklaro ni Macasaet nga ug mahinayon ang barangay election wala siya mahadlok tungod kay naghimo siya sa iyang obligasyon isip membro sa barangay council.
RadyoMaN Erin Lumosbog
