Davao City – Kanselado ang mga big events sa ika-35th nga Kadayawan Festival subay kini sa mga gipatumang hugot mga lakang sa pagkontrola sa pagkaylap sa Coronavirus Disease 2019.
Matud ni Davao City Mayor Sara Duterte walay ipahigayong Indak-indak sa Kadawayan, Parada Davaoeño, mga parties ug uban pang mga kalingawan.
Gawas niini mahinayon gihapon ang misa.
“We will see kung unsay mga aktibidad nga pwede but definitely naay misa kay ang Kadayawan, Thanksgiving bya na nato diri sa Davao City sa kabut-an ni Manama,”
Gideklara sa Davao City ang Period of Mourning and Vigilance gikan sa Abril 17, 2020 kutob Disyembre 31, 2020 ilawom kini sa gipagulang Executive No. 25.
Kanselado ang tanang selebrasyon sa lokal ug sa national government, parties, anniversaries ug festivities.
Samtang himuong mubo lang usab ang pagkomemorar sa mga importanteng petsa ug legal holidays.
Gitin-aw usab sa mayor ngadto sa magpakasal nga himuon kining lowkey o simple niining panahon sa health crisis.
“Pwede magpakasal sa simbahan, walay problema. Ang atong ginaingon nga you keep you celebration simple,”
“Ang kadaghanan sa babae, gusto nila ang kasal decent na 100-200 ang bisita dunay banda, daghan pagkaon. Ang among suggestion sa inyuha nga gusto naay reception, we suggest na it will be simple. Hunahunaon ninyo kanang mga tao nga nagatabang sa kasal, naga-agi sa grabeng kalisod,” sumala niini.
RadyoMaN Aimee Guinita
