May 13 index crimes ang naitala mula Oktubre hanggang Disyembre ngayong taon kumpara sa 18 noong nakaraang taon, ayon sa datos na ipinakita ni TCPS Chief of Police PCOL. Joey Bagayao sa ikaapat na quarter ng City Peace and Order Council (CPOC) noong Disyembre 13, 2022
Lumalabas sa datos na walang naitalang kaso ng murder, homicide, physical injuries ngayong quarter kumpara sa isang homicide, isang murder, at dalawang kaso ng physical injuries sa parehong panahon noong nakaraang taon.
Ang mga kaso ng panggagahasa ay bumaba rin mula sa apat na kaso hanggang sa dalawang kaso, at ang mga kaso ng pagnanakaw ay bumaba sa dalawa mula sa pito.
Ang pagnanakaw, sa kabilang banda, ay tumaas sa pito mula sa tatlong kaso lamang noong nakaraang taon.
Sa road accidents, mayroong dalawampu’t apat (24) na naitala ngayong quarter.
Sa bilang, tatlo ang humantong sa pagkamatay, 21 ang nagresulta sa mga pisikal na pinsala, at isa ang nagdulot ng pinsala sa mga ari-arian; dalawampu’t tatlo naman ang nasangkot sa aksidente sa motorsiklo na pawang mga edad 11 hanggang animnapung taong gulang.
Mayroong 28 Vehicular Traffic Accident na naitala sa ikaapat na quarter ng 2021
.
Samantala, ang tuluy-tuloy na anti-drug operations ng PNP ay nagresulta sa pagkakaaresto sa pitong indibidwal noong Oktubre at Nobyembre.
Sa pito, apat ang nahulihan ng methamphetamine o ‘shabu’ habang tatlo ang nahulihan ng marijuana.
Nakumpiska ng Tabuk City PNP ang kabuuang 2.61 gramo ng shabu na tinatayang nagkakahalaga ng Php 24,548 at 17,006 gramo ng marijuana na nagkakahalaga ng Php 2,080,800 mula sa mga naaresto.
Patuloy naman ang ginagawang hakbang ng PNP upang mapanatili ang mababang crime index sa lungsod.
