Nagnubo sang masobra 28% ang index crimes sa Western Visayas sa una nga quarter sang karon nga tuig.
Ini base sa data sang Police regional Office 6 humalin Enero 1 tubtub Marso 31 kon sa diin naglab-ot lamang sa 1,073 ka index crimes ang natabu sa rehiyon.
Mas manubo ini kon ikumparar sa 1,492 ka index crimes nga natabu sang amo man nga period sang 2018.
Sa nasambit nga data nagapakita nga nagnubo ang tanan nga index crimes sa rehiyon magluwas lamang sa kaso nga murder kag homicide.
Nahibaluan nga ang index crimes ginalakipan sang murder, homicide, physical injury, rape, robbery, theft, carnapping, kag cattle rustling.
Facebook Comments
