Jamindan, Capiz- Ginhilway na sang mga kapulisan sa banwa sang Jamindan ang anay katapo sang New Peoples Army nga nag-surrender sa mga otoridad sang nakaligad nga bulan sang Hunyo.
Ini matapos nga nagpaguha sang release order ang hukmanan makaligad nga nagfile sang affidavit of non interest ang pamilya sang ginapahayag napatay sang akusado nga si Julio Llanes y Acervo alyas Ka Pablo.
Si Llanes ang anay squad leader sang Central Front Committee sang CPP-NPA nga nagahulag sa mga banwa sang Tapaz, Jamindan kag pila ka banwa sang Northern Iloilo.
Ini ang ginakabig nga Top-1 Most Wanted sa listahan sang Department of National Defense(DND) kag Department of Interior and Local Government(DILG) bangod man sa tatlo ka counts sang kaso nga murder nga ginapangatubang sini.
