Indi pa tubtob subong maagyan ang dalan sa banwa sang Hamtic padulong sa banwa sang sa San Jose De Buenavista, Antique matapos nga natiphag ang duta kag nagresulta sa pagkaguba sang karsada bangud sang padayun nga pag-ulan sang nakaligad nga inadlaw.
Suno sa Hamtic Municipal Disaster Risk Reduction Management Office indi pa- advisable nga agyan sang tanan nga klase sang salakyan bangud padayun pa nga naga-usmod ang duta ilabi na sa bahin sang Sitio Maalan Brgy. Caromangay kag Brgy. Igbucagay sang nasambit nga banwa.
Nagapadayun naman ang ginahimo nga rehabilitasyon sang karsada apang wala pa sang kasigurohan kon san-o ini liwat maagyan sang mga motorista.
Sa subong ginapanugyan sa mga motorista nga mag-agi sa San Joaquin (Tiolas)- Anini y road padulong sa banwa sang San Jose de Buenavista vice versa.
