Indi dapat pag-ibasol sa Sangguniang Panlalawigan ang kapaslawan sang Provincial government nga ma-release ang 500,000 pesos Financial Assistance sa Dinagyang Festival.
Ini ang ginpahayag ni Board Member Manny Gallar sa interview sang RMN Iloilo.
Suno kay Gallar nga ang dapat basulon diri amo ang opisina sang Gobernador nga wala nag-release sang nasambit nga financial assistance sa Dinagyang.
Ginhatagan pagtamod ni Gallar nga apisar wala mapasar ang 2019 budget, apang naga-operate ang probinsya sang Iloilo sa re-enacted budget sang 2018 kon sa diin nakabutang ang Financial assistance sang probinsya sa Dinagyang.
Suno kay Gallar nga mahimo ma-release sang gobernador ang nasambit nga pondo pinaagi sa pag-certify sini bilang “Necessary” ukon “Essential” .
