Indi pagpabor ni Duterte sa pagbukas sang klase sa Agosto ginpasalamatan sang grupo sang manunudlo

23

Nagapasalamat ang Alliance of Concerned Teachers (ACT) sa pahayag ni Presidente Rodrigo Duterte nga indi ini pabor sa pagbukas sang klase sa Agosto 24, 2020 kun wala pa sang bakuna batok sa COVID-19.

Sa interview sang DYHB kay ACT Regional President Gualberto “Bing” Dajao, nagapasalamat siya nga nasanagan si Presidente Duterte sa isyu sang pagbukas sang klase.


Kun si Presidente Duterte luyag sini nga makahimo anay sang bakuna kontra COVID-19 antis buksan ang klase, ginpahayag ni Dajao nga sa ila sa ACT, mass testing lang ang ila ginhgyo antis ang school opening bangud nakahibalo ini nga madugay pa ang paghulat sa bakuna.

Sa pihak nga bahin, ginpahayag ni Dajao nga kinahanglan pa sang bastante nga tion para sa mga manunudlo kag estudyante para sa online learning nga ginaduso sang Department of Education (DepEd) kun magbukas na ang klase.

[image: image.png]

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments