Roxas City, Capiz- Nangin matigdas nga mga pahayag ang ginbuy-an ni Barangay Chairman Wilfredo “Menong” Albaladejo sang Brgy Tiza kontra kay Provincial Legal Council Chief Atty. Ronnie Dadivas may kaangut sa interes sang naulihi nga magpapili sa pagka-alkalde sang syudad sang Roxas.
Sa interview sang dyVR, ginpabutyag sang punong barangay nga indi sini suportado ang kandidatora ni Dadivas sa kabangdanan nga siya ang ginpakontrahan sa pagka-kapitan sa Tiza sang nakaligad nga barangay election.
Ginpunto ni Albaladejo nga “indi ini sang madumot nga tawo apang madinumdomon lamang”.
Ginklaro sini nga ang iya nga pahayag ang personal sini nga panindogan kag wala sini ginadala ang kabug-osan nga panindogan sang Liga ng mga Barangay Roxas City Chapter.
Samtang ginkumpirmar sang nasamabitan nga barangay kapitan nga siya ang magapapili sa pagka-board member sa 1st district sang Capiz.
