Davao City – Biktima ang usa ka Indian National nailang si Jampanin Manjeera, 20 anyos estudyante nga nagpuyo sa Garnet Street Marfori Heights ning syudad human matud pa gilabni sa wa mailhing suspect ang iyang gold nga kuwentas nga mukantidad og P30,000.00 nahitabo alas 8:45 kagabie didto sa Marfori Street siyudad sa Davao.
Sa report gikan sa San Pedro PNP samtang nagbaklay ang biktima sa nahisgutang lugar duol sa may Botanical Park kalit kini giduol sa duha ka wa mailhing suspitsado dayon gilabni ang iyang alahas ug human sa hitabo misibat gilayon ang duha ka mga suspek sakay sa motorsiklo padulong sa wa masayring destinasyon.
Samtang ang biktima nga si Manjeera igo nalang sa pagdangop sa presinto dos sa kapolisan aron usab niya paimbestigahan ang nahitabo kaniya.
RadyoMaN Don Pulayao
