Indian national gipusil-patay sa riding in tandem

144

Davao City – Pauli na ang babaeng Indian national uban ang usa pa ka laing biktima sakay sa Honda, XRM sa Purok 19, Barangay Ising, Carmen, Davao del Norte dihang gidikitan kini sa riding in tandem ug gipamusil pasado alas 12 sa udto niadtong adlawng Biyernes.

Giila sa Carmen Municipal Police Station ang namatay nga biktimang Indian national nga si Manpreet Kaur, 40 anyos, collector, minyo ug residente sa Gavina Subdivision, Tadeco road, Panabo City, Davao del Norte samtang samdan ang kauban niining si Hanley Velez, 33 anyos driver ug residente sa Purok 1, Brgy Maduao, Panabo City, Davao del Norte.

Sa imbestigasyon, nasayran nga nakahiagom og duha ka samad sa likod ang biktima nga hinungdan sa iyahang kamatayon samtang ang biktima nakahiagom og samad pinusilan sa abaga niini.


Nagpaalim pa sa pagkakaron sa Carmen District Hospital ang biktimang si Velez.

Narekober sa SOCO sa crime scene ang 3 ka ka basyo sa bala ug nagpadayon ang Hot-pursuit operation sa mga operatiba sa mga suspetsado ug ang follow-up investigation aron masuta ang motibo sa pagpamusil sa mga biktima.

RadyoMaN Aimee Guinita



Facebook Comments