Davao City – Biktima sa pagpanglabni ang usa ka estudyanteng Indian National human natangag sa duha ka wala mailhing lalaki ang iyang alahas nga mukantidad og P30,000 nahitabo alas-4:20 sa hapon sa may Coral St., Marfori, siyudad sa Davao.
Sa report gikan San Pedro PNP, ang biktima naila nga si Samuver Pandi Sandeepa Rani, 22-anyos, nagpuyo sa nahigustang lugar.
Matud pa samtang nagbaklay si Rani sa maong lugar kalit giduol sa duha ka wala mailhing suspect dayon labni sa iyang gold nga kwintas diin abtik usab kining nisibat sa wala matinong direksyon.
Human sa panghitabo, igo nalang sa pagdangop ug pagpatabang sa kapolisan si Rani aron usab niya paimbestigahan samtang ang kaso giduso na sa General Investigation Section sa maong buhatan.
RadyoMaN Don Pulayao
