Dimataling, Zamboanga del Sur- Usa ang patay sa operasyon kontra extortionist og gun-for-hire dihang dapita sa sitio Da-Daan, Brgy Tiniguangan, Dimataling, Zamboanga del Sur.
Sa interview sa RMN Pagadian kang Pinsp. Jeremias Pepito gisilba sa Dimataling MPS ug Regional Intelligence Unit ang Search warrant sa nasangpit ng dapit kong diin nagpundo ang suspek nga si Josie Enot Orion, 25 anyos.
Apan imbis nga mo surrender ang suspek, misukol kini gamit ang double blade nga hunting knife (kutsilyo) og lubaon unta niini ang usa ka arresting officer.
Tungod a komosyon napusilan sa mga otoridad ang suspek sa iyang ulo og maoy hinungdan sa hinanaling kamatayon niini.
Anaa na sa dapit nahitabuan ang mga personahe sa Scene of the Crime Operatives (SOCO) alang sa dugang imbistigasyon.
