Manila, Philippines – Inilipat ni Pangulong Rodrigo Duterte sa Department of Agriculture (DA) si Tourism Undersecretary Jose Gabriel Pompee La Viña.
Batay sa appointment papers na inilabas ng Malacañang, papalitan ni La Viña si Bernadette Romulo-Puyat sa DA kasunod nang appointment nito bilang tourism secretary.
Una nang itinalaga si La Viña bilang Social Security System (SSS) Commissioner pero hindi na ni-renew ang kanyang termino matapos masangkot umano sa korapsyon.
Pero noong Abril 24 lang ay itinalaga si La Viña bilang tourism Undersecretary.
Samantala, itinalaga rin ng Pangulo si Atty. Raul Lambino bilang Presidential Adviser for Nothern Luzon.
Si Lambino ay kasalukuyang administrator ng Cagayan Economic Zone Authority.
Facebook Comments
