BAYAMBANG, PANGASINAN – Narescue ang isang natagpuang injured na Philippine Scops Owl sa bayan ng Bayambang.
Mukhang duguan, may injury, at nanghihina ang naturang kwago kaya’t dinala ito sa Municipal Veterinarian matapos na isinurrender sa MENRO (Municipal Environment and Natural Resources Office).
Ang pagsurrender na ito sa kuwago ay alinsunod sa RA 8485, na mas kilala bilang Animal Welfare Act, kung saan nakasaad na dapat mabigyan ang lahat ng hayop ng wastong pangangalaga, at maaaring maparusahan ang sinumang mapatunayang lumalabag dito.
Sa ngayon ay nasa mabuti nang kalagayan ang naturang kuwago kung saan kahapon ay tuluyan na rin itong isinurrender ng MENRO sa CENRO-Dagupan (City Environment and Natural Resources Office) para sa mas maganda at maayos na pangangalaga sa sugatang ibon. #ifmnews
