Dipolog City – Dead on arrival ang usa ka inmate dihang gidala sa mga Jail Guards sa tambalanan human nadiskobrehang naghikog gamit ang pisi sulod sa CR sa selda onse sa Dipolog City Jail, nahimotang sa may Lower Brgy. Dicayas ning dakbayan sa Dipolog.
Ang binilanggo nga naghikog giila nga si Nilo Culanag Elumbaring, 60 anyos, negosyante nga residente sa Velasco St. Brgy Miputak ning dakbayan, kinsa nag-atubang sa kasong murder in Relation to RA 7610.
Subay sa report nga ang maong inmate, nadiskobrehan sa mga kauban nagbitay sulod CR Bandang alas 2:30 kagahapon sa hapon.
Gikaingon pa sa mga kauban kakosa nga nianang 10:27 sa buntag nisulod sa CR ang maong inmate apan wa na migawas diin ila nang gipogos pag-abli ang poltahan ug nitambad kanila nga naghikot na kini sa iyang liog.
Si J/Insp. Jonathan Arawangsa maoy nanguna sa pagdala niini ngadto sa Zamboanga Del Norte Medical Center apan gideklarar ni Dr. Genisis Realize nga dead on arrival.
Kahinduman si Nilo Elumbaring maoy suspek sa pagpatay sa gikalambigit niining usa ka 17 anyos nga dalaga sulod sa usa ka boarding house sa may Brgy. Sta Isabel niadtong Marso diyes ning tuiga.
