Gisugdan na sa mga inmates sa Cebu Provincial Detention and Rehabilitation Center o CPDRC ang pagtahi sa bag-o nilang mga uniporme.
Sayong ning buwana nadawat sa CPDRC ang 22 ka rolyo sa tela nga tahion, mga makina nga gamiton sa pagtahi ug andam na usab ang ilang mga bag-ong sapatos .
Si Gobernador Gwendolyn Garcia nisaad nga bag-ohan sa ilang uniporme ug sapatos ang mga inmates ,human nasaksihan niya nga kuspaw ug karaan na ang ilang sapot dihang nisayaw sila atubangan sa gobernador .
Ang mga inmate nga kamaong motahi maoy mohimo sa ilang uniporme isip kabahin na usab sa ilang livelihood.
Ang mga inmates nailhan ug nisikat sa sulod ug gawas sa nasud tungod sa ilang mga sayaw atol sa unang termino ni Garcia .
Facebook Comments
