Sumala kang BFP Davao City Senior Fire Inspector Ramil Gillado nga misaka ang mga nahitabong sunog sa siyodad sa miaging tuig human mukabat og kapin 600 ka sunog ang ilang natala ikumpara sa 2022 nga anaa lang sa kapin 500 ka insidente.
Segun ni Gillado, nag-una gihapon sa mga nasubog ang residential, grassfire, bodega, ug mga establisimiento diin kawsa sa maong mga insidente may kalabotan sa electrical short circuit gawas sa napasagdang luto, kandila, ug uban pang hinungdan.
Ug tungod ani, gikan sa 63M nga danyos, misaka na kini ngadto sa 121M pesos nga danyos gikan sa na-ugdaw nga mga kabtangan ug mga propiedad.
Sa pagsulod sa 1st quarter karong tuiga, muabot na sa 15 ka ang nahitabong sunog sa Dakbayan diin duha ka magsuon ang namatay human naapil og kasunog sa ilang balay sa Barangay Saloy, Calinan District sa miaging mga adlaw.
Radyoman Joel Viray
