SYUDAD sang Iloilo – Nakarecord ang Bureau of Fire Protection sang 77% nga pagtaas sa insidente sang sunog sa syudad sang Iloilo subong nga tuig kun ipaanggid sa amo man nga period sang nagligad nga tuig.
Naglambot sa 129 ka insidente sang sunog ang narecord sang BFP sa January to March 26 period subong nga tuig ukon 76.71% nga mas mataas sa 73 ka fire incidents sa January to March 2018 period.
Subong lang nga bulan sang Marso may 63 sunog sa syudad, 46 sadtong Pebrero kag 20 naman sadtong Enero.
Panugyan ni Arson investigator Senior Fire Officer 1 Rollin Hormina, sang BFP Iloilo City dapat mangin mahinalungon ang publiko sa sunod.
Indi pagpabayaan ang mga appliances nga nakasaksak sang malawig kag indi man magbutang sang nakasindi nga kandila malapit sa mga kurtina.
Panugyan sa mga ginikanan ipalayo ang lighters kag posporo sa mga kabataan.
Bilang kabahin sang awareness campaign maga-conduct sang simultaneous fire drill ang tanan nga mga fire stations sa syudad.// via Joel Franco reports
RMN File photo
