Daku ang gintaas sang insidente sang sunog sang nagligad nga bulan sang Marso sini nga tuig.
Base sa record sang Bureau of Fire Protection ukon BFP, naglab-ot sa 77 ka insidente sang sunog ang nagluntad sang Marso nga tuman ka taas ikumparar sa 34 lamang ka insidente sang amo man nga bulan sang 2018.
Sa mga insidente sang sunog sang Marso, pinakadaku diri ang natabu sang Marso 30 ukon sang Sabado sang gab-i nga nagtupok sa 36 ka mga balay kag ang pinakaulihi sang Domingo sang gab-i Marso 31 nga nagtupok man sang 27 ka mga pamalay.
Wala naman naga-untat ang BFP sa pagpanugyan sa publiko nga maghalong gid pirme kag mangin responsable agud malikawan ang pagluntad sang sunog ilabi na nga subong nga tuman ka init sang panahon.
Facebook Comments
