Isinagawa ang isang inspeksiyon sa kasalukuyang konstruksyon ng kalsada at drainage system sa Gomez Street, Barangay IV, Dagupan City upang personal na masuri ang kalagayan at progreso ng proyekto.
Ang aktibidad ay isinagawa kasama ang mga barangay council, katuwang ang City Engineer’s Office, bilang bahagi ng patuloy na koordinasyon para sa maayos na implementasyon ng proyekto.
Ang bagong kalsada, na may kasamang episyenteng drainage system para sa flood mitigation, ay direktang konektado sa Perez Boulevard. Ito ay nagsisilbing mahalagang extension na magpapalakas sa daloy ng trapiko, magpapahusay sa konektibidad ng mga pangunahing daan, at magpapatibay sa kabuuang imprastraktura ng lungsod.
Patuloy ding isinusulong ang wastong road elevation bilang mahalagang hakbang sa layuning makamit ang isang flood-free Dagupan. Malaking ginhawa ang dulot ng proyektong ito sa mga residente, lalo na tuwing tag-ulan, gayundin sa mga motorista at mga pampublikong sasakyan na araw-araw na dumaraan sa lugar.
Higit pa sa simpleng paggawa ng kalsada, layunin ng proyekto na tiyakin ang kaligtasan at kaayusan ng mga lansangan. Sa pagbibigay-prayoridad sa maayos at matibay na imprastraktura, pinagtitibay ang pangako ng pamahalaang lungsod na maghatid ng ligtas, maayos, at pangmatagalang solusyon para sa kapakanan ng mamamayan.
