Nakahatag sang inspirasyon sa madamo nga mga tawo ang nangin
Valedictory address ni 2ndLlt. Jaywardene Hontoria sa ginhiwat nga
graduation rites kahapon sa Fort del Pilar sa Baguio City.
Ginpakigbahin ni Hontoria sa kaupod sini nga mga graduates kag sa
tanan nga nagtambung sa graduation ceremony ang iya inagihan sa kabuhi
antis siya magsulod sa PMA kag nagtapos bilang topnotcher sang ila batch sa
PMA Alab-Tala Class 2018.
Sa iya pagsaysay, ginhatagan pagtamod ni Hontoria nga nakahatag sa
iya inspirasyon nga pagtuon sang maayo ang nangin panugyan sang iya amay
nga wala gid niya ginkalimtan.
Suno kay Hontoria nga nagpabakod sa iya determinasyon nga
magtuon sang maayo tubtub makatapos ang tinaga nga ginhambnal sang iya
amay nga “mas mamag-an mag-uyat sang ballpen sang sa mag-arado”.
Si Hontoria ang tumandok sang sitio Linao, Brgy.
Balabag, Pavia kag anak sang mangunguma nga si Oscar Muyco Hontoria kag
Nancy Galilea-Hontoria.
