INSURGENCY | Detachment sang 12th Infantry Battalion sang Philippine Army sa banwa sang Tapaz, ginpalukpan sang wala pa matumod nga grupo

120

Tapaz, Capiz – Ginpalukpan kag ginpaulanan sang bala sang armado nga grupo ang detachment sang 12th Infantry Battalion sang Philippine Army nga nahamtang sa Brgy. Katipunan banwa sang Tapaz, Capiz.
Nagluntad ang insidente, alas 8:20 kagab-i kun sa diin ginabanta nga nagdugay sang tatlo tubtub lima ka minutos ang bayluhanay sang lupok sa tunga sang tropa sang gobyerno kag armado nga grupo antes ang mga ini ang dalayon nga nagbiya sa lugar.
Madasig nga nagpalagyo ang mga armado nga persona sa padulong Sitio Bulod, Barangay Roosevelt, sa amo man nga banwa. Wala naman sang may napilasan sa mga katapo sang CAFGU kag militar sa nasambit nga insidente. Nagapadyon pa ang imbestigasyon kag operasyon sang mga military batuk sa amo nga grupo.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments