Sumala ni Delvo, ang rekognisyon maoy bunga sa hiniusang paningkamot sa kapulisan bisan pa man kon bugti niini ang ilang mga kinabuhi aron lamang mapahapsay ang katilingban ug mamentenar ang tunhay nga kalinaw sa tibuok Region XI.
Matud sa regional director nga ang pagdeklara isip insurgency- free sa Southern Mindanao maoy dakung factor kun konsiderasyon kung nganong napili ang PRO-XI nga pinaka maayong pwersa sa kapulisan sa entero Pilipinas tupad unya sa anibersaryo sa Philipppine National Police (PNP) karong January 2024.
Gidugang usab ni Delvo nga isip lider sa kapulisan ning dapita, iyang gipasigarbo ang nabatonan nga pasidungog sa iyang mga ginsakpan tungod kay gihagoan ug gipaningkamotan kini sa tanang personahe ubos sa kamanduan sa PRO-XI.
Nasayran nga ang PRO-Bicol, Calabarzon ug Davao pipila sa mga contenders nga gipilian sa PNP Field Evaluation and Validation Team alang ning prestihiyosong award.
RadyoMaN Erin Lumosbog
