Davao City – Gipalig-on sa Police Regional Office 11 (PRO-XI) ang ilang intelligence monitoring aron mamonitor ang posibleng laing mga sakop sa napatay nga Malaysian terrorist nga si Zulkifli Bin Hir alyas Marwan dinhi sa Davao Region.
Sumala ni PRO-XI Director Director Police Chief Supt. Manuel Gaerlan, padayon ang ilang koordinasyon sa mga law enforcement units aron kung anaa may mga galamay ni Marwan madakpan kini sa mga tinugyanan sa balaod.
“Those are the subject of our monitoring kung sakali mang meron we are trying to track them down alam niyo naman iyan very fluid ng situation pagka ganyan and I’m sure mayroon silang support system somewhere,” segun ni Gaerlan.
Niadtong Dominggo naaresto sa mga awtoridad ang byuda ni Marwan nga si Juromee Dongon, 45 anyos, atol sa raid didto sa Tubod, Lanao del Norte.
Nadakpan usab ang 70 anyos nga amahan niini, 2 ka igsuong babae ug bayaw nga pulis.
Si Dongon nag-atubang og kasong illegal possession of firearms and explosives.
Matud ni Gaerlan, makigalayon sila sa Armed Forces of the Philippines (AFP) ug sa mga nakaaresto sa mga suspetsado diha sa pagkuha og dugang impormasyon sa nahimutangan sa mga kaubanang mga terorista ni Marwan.
“This are some of the results sa debriefing or interrogation sa mga naaresto,” sumala ni Gaerlan.
Matud ni Gaerlan sa pagkakaron wala pa silay namonitor dinhi sa Davao Region.
RadyoMaN Aimee Guinita
