Intel Report sa planong pagpang-atake sa BIFF sa mga dagkong syudad sa Rehiyon-12 padayong gi-validate

Padayon pang gina-validate sa otoridad ang gika-ingong spot report nga mikatag karon sa social media partikular na facebook nga sumala pa adunay himuong pagpangatake ang rebeldeng Bangsamoro Islamic Freedom Fighters kon BIFF.

Sumala kang Police Senior Superintendent Leonardo Suan, ang Deputy Regional Director For Operations sa Police Regional Office 12 nga tanang mga impormasyon hilabi na ang mga intelligence report ang subject pa for verification ug validation.

Pagpaklaro niini nga bisan ug pirmado pa sa bisan kinsang opisyal ang maong spot report, magpabilin kining under verification, apan dili matud pa pasabot nga magrelax o magkumpiyansa ang otoridad.


Human matud pa migawas ang maong mga impormasyon, mas gipahugtan sa kapulisan ang pagbantay sa tanang mga checkpoint ug chokepoint sulod sa rehiyon 12.

Kung asa wala matud pa nila ginabaliwala ang susamang mga impormasyon nga makaabot sa ilahang buhatan o bisan na ang mga impromasyon nga gikan mismo sa mga sibilyan.

Padayon man usab ang panawagan sa nasangpit nga opisyal sa katawhan nga dili magpanic higayon nga makadawat ug susamang mga impormasyon apan magbiling mabinanatayon ug ipaabot kanila ang unsa mang mga makadudaghang butang nga makit-an o mamatikdan sa palibot.

Kini gumikanang pagbantay sa siguridad ang dili lang trabaho sa kapulisan ug militar kundili responsibilidad kini sa tanan*. **(LORE MAE V. ROMUALDO)*

Facebook Comments