Intelligence report sa operasyon sa Lanao del Norte, adunay kakulang; apan pamilya wala gimasaker matud sa PNP 10

16

Gikumpirmar ni PNP-10 Spokesperson Supt. Lemuel Gonda nga adunay gamayng kakulangon sa ilang intelligence report hinungdang adunay naangin nga ubang tawo atol sa pagsilbi sa warrant of arrest niadtong miaging adlaw sa Lanao del Norte.

Mahinumdoman nga niadtong Setyembre onse ning tuiga, isilbi unta sa Provincial Public Safety Company ug Swat Team sa Lanao del Norte ang warrant of arrest batok sa duha ka wanted person nga silang Bevino ug Jonel Laride sa Purok 6, Barangay Taguranao, Tubod sa maong probinsya apan gipabothan ni Bevino ang nagsilbing giya sa kapolisan nga si PO1 Yasser Macatbar.

Tungod niini, napusilan si PO1 Macatbar hinungdang mibalos ang mga kauban niining polis nga anaa sa operasyon, nga miresulta sa pagkamatay sa suspek nga si Bevino.

Gikasubo usab ni Supt. Gonda nga namatay usab atol sa operasyon ang kaipon ni Bevino ug ang lima ka tuig niining anak tungod kay wala nasayran sa kapolisan nga adunay laing kauban sa iyang pinuy-anan ang suspek.

Dugang pa ni Gonda nga wala gisulti sa ilang intelligence report nga adunay laing sibilyang kauban silang Bevino ug Jonel Laride apan bisan matud pa kung nasayran sa kapolisan nga adunay kauban ang mga suspek sigurado siyang mobalos gihapon ang kapolisan ilabina kung gipaulanan na sila og bala sa suspek.

By: Ellah Baculio

Facebook Comments