Davao City- Wala magkumpyansa ug nagpabiling naka-heightened alert ang Police Regional Office 11 subay sa ika-38th Kadayawan Festival sa dakbayan sa Davao.
Matud ni Police Major Catherine Dela Rey, PRO 11 spokesperson, walay specific threat ang syudad apan gimanduan ni Regional Director PBGEN Alden Delvo ang tanang commanders nga pahugtan pa ang seguridad ug pakusgan ang police visibility.
Segun ni Dela Rey, wala lang naka-focus security sectors sa Davao apan lakip na sa mga probinsya diin laumang mubisita o magbakasyon ang mga turistang makisadya sa Kadayawan.
Mag-deploy og 200 ka mga pulis ang PRO 11 silbing augment force sa DCPO aron sa halapad nga security coverage.
Nagpahimangno usab kini sa katawhan nga aron dili masubli ang Calinan explosion, dili hawiran ang unsa mang mga unattended items ug ireport gilayon kini sa mga awtoridad.
RadyoMaN Aimee Guinita
Facebook Comments
