Davao City- Gipakita sa Eastern Mindanao Command uban ang Coast Guard District of South Eastern Mindanao; Police Regional Office XI, Davao Central 911; Davao City Police Office; Task Force Davao of Joint Task Force Haribon; Tactical Operation Group 11, Philippine Air Force ug The Naval Forces Eastern Mindanao ang ilang kapalidad sa pagsecure sa southern backdoor atol sa gihimong Inter-Agency Maritime Exercise kagahapong adlawa, Agosto 8 sa Naval Station Felix Apolinario, Panacan, Davao City.
Sigun ni Eastmincom spokesperson Major Ezra Balagtey nga sa hiniusang pwersa sa mga nagkadaiyang ahensya padayon nilang ginapausbaw ang seguridad sa Davao Gulf, ug territororial waters sa Eastern Mindanao pamaagi niining Inter-Agency Maritime Exercise.
Ang maong aktibidad parte sa nagpadayong pagpahugot sa seguridad sa southern backdoor aron mapugngan ang mga terorista ug uban pang mga transnational crime syndicates sa pagsulod dinhi sa Eastern Mindanao.
Ang mga mipartisipar nga mga ahensya gibansay sa counter – terrorism, maritime interdiction, maritime law enforcement, environmental protection and water search and rescue operations.
Kasamang Aimee Guinita
