Davao City – Giklaro sa Department of Trade and Industry (DTI) Davao Region nga wala’y nahitabong hoarding sa supply sa bugas sa rehiyon onse ning panahona.
Sa interview sa DXDC RMN Davao kang DTI XI Regional Director Dra.Maria Belen Ambi giingon niini, walay mga negosyante og bugas ang nagtago sa supply aron lang sabotahion ang presyo sa merkado.
Giingon sa Director, ang timailhan nga adunay rice cartel sa usa ka lugar, mao ang pagkulang sa supply sa mga merkado.
Walay rason nga mabalaka ang mga Dabawenyo nga magkulang ang bugas sa palengke sukwahi sa ubang dapit sa nasod karon.
Alayon niini walay igong rason ang Inter-Agency nga magpahigayon og pagsusi sa mga bodega luyo sa mando ni Pangulong Bongbong Marcos Jr. sa pag-inspection sa mga bodega sa bugas sa entero nasod.
RadyoMaN Joel Viray
Facebook Comments
