Davao City – Ipahigayong karong alas 3:00 sa hapon August 17, 2023 ang Interfaith Prayer Rally sa Calinan Gym, diin tambungan sa mga Barangay Official gikan sa 19 ka Barangay sa Calinan District, Davao City.
Sa interview sa DXDC RMN Davao kang Police Major Ricky Obenza, Station Commander sa Calinan Police Station gibutyag niini, gi-imbita usab si Davao City Mayor Sebastian ‘Baste’ Duterte, tanang konsehal sa Davao City 3rd District lakip na ang asawa ni Police BrigGen Alden Delvo PRO-XI Regional Director.
Segun ni Obenza, ang pag-ampo pangunahan sa PRO-XI Regional Community Affairs Development Division (RCADD) kansang tumong niini aron makabaton og hingpit nga kalinaw ang Calinan, subay sa sunod-sunod nga mga krimeng nahitabo sa maong lugar.
“Gisungog ra gyud ang Calinan ba mga pagsulay ra ni sya sa Calinan kalabot sa mga nagapanghitabo”,sulti ni Obenza.
RadyoMaN Don Pulayao
Facebook Comments
