Davao City – Mireklamo sa buhatan sa kapolisan sa Sta. Ana ang usa ka HRM chef on the job training nga si alyas Danica, 23 anyos, residente sa may Bajada ning siyudad tungod kay gigakos kuno sa usa sa kusinero sa usa ka hotel nga iyang gi dutyhan.
Sumala sa rekord nga atul sa iyang duty sa usa ka hotel nahimutang sa may Bajada, nakamatikod si alyas Danica nga nakagusto ang station chef sa maong hotel kaniya nga ginganlang alyas Estoy ug daw wala lamang panumbalinga sa mao nga complainant ang gipakita nga motibo sa mao nga kusinero tungod nagtoo siya nga hinigala lamang ang iyang panglantaw niini.
Apan milabay ang pipila ka mga adlaw samtang naglakaw paingon sa cold kitchen ang maong complainant, kalit siyang gisugat sa maong kusinero ug gigakos diin naigo ang mga maselang parte sa iyang lawas.
Naghilak kini pagsugilod sa iyang mga kakaubanan sa trabho tungod kay alang kaniya dako kining kabastosan sa iyang bahin.
Hinungdan nga gitambagan kini ug gipatala ang maong insidente sa Ata. Ana PNP aron mamahimong basehan kung buot niya pasakahan og kasong rape ang maong lalaki.
RadyoMaN Paul Canono
