Ha pag bisita ni Lieutenant General Rhodel Sermonia, Deputy Chief for administration han PNP ha Police Regional Office 8 kakulop, September 12, 2023 dungan han pagselebrar han Police Service Anniversary, iya ginpahinumdom ha mga kapulisan ha rehiyon nga dire tutugutan han ira organisasyon an mga myembro nga nagamit o dabi ha illegal nga droga.
“Kung sila po ay mapapatunayan nga sila ay gumagamit ng illeg al na droga, karampatang parusa po ang ibinibigay namin sa kanila. Ang ang pinaka worst po ay ang dismissal o separation, so tuloy tuloy po ito,” siring ni Sermonia.
Ginsiring gihapon han opisyal nga katunga han 230,000 nga pwersa han kapulisan ha Pilipinas an ginpailarom ha drug testing agud masiguro nga waray bisan usa nga policean nagamit hin illegal nga droga.
Sumala ha iya, nga ha mao nga ihap, maabot ha 25 o .02 percent an nagpositibo nga nagamit hin iginbabawal nga droga. Walo dinhi an gin dismissed ha serbisyo, usa an nag resigned ngan an nabibilin in nagpapadayon pa an summary proceedings.
Aminado naman an opisyal, nga tungod han kakulangan ha budget, in dire pa tanan nga mga kapulisan an napapailarom ha drug test.
Pero ine daw in napupun-an ipinaagi han suporta nga ginpapadangat han mga local government units.
Nagpapadayon yana an pagbisita ni Sermonia, kumo ika duha nga hataas nga opisyal han PNP, ha iba-iba nga mga regional offices ha Pilipinas agud igpahinumdom an mahugot nga internal cleansing nga kampanya han organisasyon.
